ABŞ və İsrail İranda ağır su istehsalı zavoduna zərbə endirib
BMT-nin baş katibi Antonio Quterreş Hörmüz boğazında gəmiçiliyin təhlükəsizliyini təmin etmək üçün İşçi Qrup yaradıb.
Bu barədə BMT baş katibinin rəsmi nümayəndəsi Stefan Dujarrik bildirib.
Qrupa BMT-nin Layihələrin Xidmətləri İdarəsinin direktoru Jorje Moreyra da Silva rəhbərlik edəcək.
"Qrupun əsas diqqəti Hörmüz boğazında humanitar ehtiyacları ödəmək üçün texniki mexanizmlərin hazırlanmasıdır", – deyə Dujarrik qeyd edib.
Onun sözlərinə görə, qrupun işi boğazdan gübrə və xammalın daşınmasını təmin etməyə yönəlib.
Qeyd olunur ki, bu təşəbbüsün həyata keçirilməsində Qara Dəniz Taxıl Təşəbbüsü də daxil olmaqla, BMT-nin əvvəlki layihələrinin təcrübəsi nəzərə alınacaq. Mexanizmin işi üzv dövlətlərlə sıx əlaqələndirmə şəraitində, beynəlxalq hüquqa və dövlət suverenliyinə uyğun olaraq həyata keçiriləcək.
Bu arada ABŞ və İsrail İranın qərbindəki Xondab şəhərində yerləşən ağır su istehsalı zavoduna zərbələr endirib. "Xondabdakı ağır su istehsalı kompleksi hücumlara məruz qalıb", – deyə bəyanatda bildirilib. Hakimiyyət orqanlarının məlumatına görə, xəsarət alan yoxdur, əhali üçün təhlükə qeydə alınmayıb.
#Hörmüz boğazı teqi istifadə olunub
- İran BMT-ni beynəlxalq hüququ pozan dövlətlərin məsuliyyətə cəlb olunmasında israr etməyə çağırıb
- Malayziya gəmilərinə Hörmüz boğazından keçməyə icazə verildi
- ABŞ BƏƏ-dən İrana hücum edərək Hörmüz boğazını ələ keçirəcək? - AKTUAL GÜNDƏM
- İrandan yeni qərar | Hörmüz boğazı kimlər üçün açıldı? - Baku TV
- "Hörmüz boğazı ilə bağlı bu gedişlə neftin qiyməti 200 dollara qalxacaq" | Sensasiyalı açıqlama
