ABŞ Yaxın Şərqdə vəziyyəti gərginləşdirməyə çalışır

Son 24 saat ərzində ABŞ Hərbi Hava Qüvvələrinə məxsus 50-yə yaxın hərbi-nəqliyyat təyyarəsi Yaxın Şərqə göndərilib.

Onların 97%-i 77 tona qədər yük daşımağa qadir olan S-17A-dır. Ehtimal olunur ki, ABŞ İsrailə mərmilər və digər döyüş sursatları daşıyır.

Bu arada İsrail və HƏMAS hərəkatının rəhbərliyi arasında danışıqlar Qəzza zolağındakı hərbi əməliyyatların genişlənməsindən sonra da davam edib, lakin hazırda səngiyib.

Xarici medianın yaydığı məlumata görə, oktyabrın 28-də Qəzzadakı gərginliklə bağlı Qətərin vasitəçiliyi ilə tərəflər arasında danışıqlar aparılıb. Lakin İsrailin yerüstü əməliyyatına başlamasından sonra danışıqlar daha yavaş templə davam edir.

Bundan əvvəl İsrailin Baş naziri Benyamin Netanyahu müharibənin ikinci mərhələsinin başladığını elan edib. Onun sözlərinə görə, məqsəd HƏMAS hərəkatının infrastrukturuna ciddi zərbələr vurmaq və girovları azad etməkdir.