Antraktidadakı buz örtüyü əriyə bilər? | Geoloqlar həyəcan təbili çaldı

Antarktidada buz örtüyünün sürətlə ərimə dövrləri aşkarlanıb.

Lester və Sauthempton Universitetlərinin geoloqları iddia edirlər ki, bu ərimə 20 milyon ildən çox əvvəl başlayıb.

Alimlər müəyyən ediblər ki, buz örtüyünün ölçüsü keçmişdə Yerin ekssentrik orbiti ilə əlaqəli müntəzəm olaraq dəyişib. Əsas səbəb iqlim dəyişikliyi olub. “Ürək döyüntüsü ritmləri” kimi təsvir edilən bu ölçü dəyişiklikləri Yerin Günəşdən məsafəsinin vaxtaşırı artması və azalması ilə bağlıdır ki, bu da buz təbəqəsinin temperaturu və sabitliyinə təsir göstərir.

İş zamanı Vahid Okean Qazma Proqramının ekspedisiya çərçivəsində toplanmış geoloji məlumatlarının təhlili aparılıb. Nümunələrdə oksigen izotop nisbətləri şəklində okean kimyasını qeydə alan daşlaşmış mikroorqanizmlər var idi. Bu nisbətlərin ölçülməsi buz təbəqəsinin həcmindəki dəyişiklikləri yenidən qurmağa və dalğalanmaların vaxtını təyin etməyə imkan verib.

Tapıntılar 20 milyon il əvvəl, Yer kürəsinin daha isti olduğu vaxtlara aiddir. Əgər istixana qazı emissiyaları azalmasa, buz örtüyünün çox hissəsini itirmək riski var ki, bu da fəlakətli iqlim dəyişikliyinin qarşısını almaq üçün qlobal səy tələb edəcək.