Pleyeri seçin:
Avropa İttifaqından Ukraynaya yardım | Rusiya meydanda tək qalır?
Xəbərlərimizi Google-da izləyin
Yeniliklərdən dərhal xəbərdar olun
Avropa İttifaqı (Aİ) Ukraynaya Rusiyanın dondurulmuş aktivlərindən əldə edilən gəlirlər hesabına daha 1 milyard avro vəsait verib.
Bu barədə ölkənin Baş naziri Denis Şmıqal bildirib.
“Ukrayna Rusiyanın dondurulmuş aktivlərindən əldə edilən mənfəət hesabına Aİ-dən 1 milyard avro alıb. İlin əvvəlindən Ukrayna dondurulmuş Rusiya fondlarından artıq 18,5 milyard dollardan çox vəsait əldə edib”, ‒ hökumət rəhbəri söyləyib.
2024-cü ilin oktyabrında Yeddilik Qrupu (G7) ölkələrinin liderləri Kiyevə 50 milyard dollarlıq kreditin təfərrüatları ilə bağlı razılığa gəldiklərini açıqlayıblar.
Bildirilib ki, kreditlər G7 ölkələrinin hüquq sistemləri və beynəlxalq hüquq çərçivəsində dondurulmuş Rusiyanın suveren aktivlərindən gələcək gəlirlər hesabına təmin ediləcək. ABŞ Ukraynaya 20 milyard dollar ayırmağı öhdəsinə götürüb, qalan 30 milyard dollar isə G7 və Aİ-nin birgə səyləri ilə təmin olunacaq.
Qeyd edək ki, Avropa İttifaqı, Kanada, ABŞ və Yaponiya xüsusi hərbi əməliyyata başlayandan sonra Rusiyanın təxminən 300 milyard dollarlıq aktivlərini dondurub.
Kopyalandı
#Denis Şmıqal teqi istifadə olunub
- Azərbaycan Ukrayna üçün enerji sahəsində 11 yardım paketi elan edib | Denis Şmıqal - Baku TV
- Ukrayna və ABŞ rəsmisi enerji təchizatını müzakirə ediblər
- Ukrayna Prezidenti Ofisinə Denis Şmıqal rəhbərlik edəcək?
- Gizli saxlanılan məlumat | Ukraynada hansı işlər gedir?
- Avropa Ukraynanı xilas edə biləcək? - "Bu, yetərli məbləğ deyil, çünki..."
Seçilmişlər
