Avropa ölkəsində müsəlmanları maraqlandıran qərar | Bu, rekord göstəricidir ki...

Niderlandda 2026-cı ildə doqquz müsəlman ibtidai məktəbi açılacaq ki, bu da son 12 ayda açılan bu tipli təhsil müəssisələrinin rekord sayıdır.

Bu barədə yerli “Trouw” qəzeti ölkənin Təhsil Nazirliyinə istinadən məlumat yayıb.

Beləliklə, gələn ilin avqustunda yeni islam məktəbləri dövlət tərəfindən maliyyələşdirilməyə başlayacaq. Onlar Arnhem, Quda və Qroningen də daxil olmaqla bir sıra böyük şəhərlərdə fəaliyyət göstərəcək. Ümumilikdə 2026-cı ilə qədər Krallıqda iki protestant və biri dünyəvi olmaqla azı 14 yeni ibtidai məktəbin açılması planlaşdırılır.

Cari tədris ilinin əvvəlinə olan məlumata görə, Niderlandda 21 minə yaxın uşaq islam məktəblərində təhsil alır. Bu, ibtidai təhsil alanların ümumi sayının 1,4 %-ni təşkil edir. Bütün təsdiq edilmiş layihələr həyata keçirilsə, o zaman 2026-cı ilə qədər ölkədə islam məktəblərinin sayı yüzə yaxınlaşacaq.