Bəşər Əsəd Suriyaya təhvil veriləcək?

Suriyanın keçid dövrünün Prezidenti Əhməd əl-Şaraa Rusiyanın paytaxtı Moskvaya səfər edib. O, rusiyalı həmkarı Vladimir Putinlə görüşüb.

Suriyanın hazırkı liderinin sabiq prezident Bəşər Əsədin ekstradisiyasını tələb etmək niyyətində olduğu bildirilir. Xarici medianın məlumatına görə, yeni hakimiyyət Əsədi Suriya xalqına qarşı törətdiyi cinayətlərə görə cəzalandırmaq istəyir.

Rusiya Prezidenti Vladimir Putin söhbət zamanı bildirib ki, Moskva ilə Dəməşqin həmişə dostluq münasibətləri olub və hər iki xalqın maraqları nəzərə alınıb. Bəşər Əsədin Suriyaya qaytarılması məsələsi isə qaranlıq qalıb.

Bundan əlavə, Əhməd əl-Şaraa V.Putinlə Tartusdakı Rusiya hərbi-dəniz bazasının və Xmeym aviabazasının taleyini də müzakirə edib.

Məlumata görə, o həmçinin Rusiya Prezidenti Vladimir Putinlə Yaxın Şərqdəki vəziyyəti, ölkələr arasında ikitərəfli münasibətlərin gücləndirilməsi ilə bağlı söhbət də edib.