Biz buna hazırıq | Mişeldən İranın hücumu ilə bağlı paylaşım

Avropa İttifaqı İranın “regional təhlükəsizliyə təhdid” olan İsrailə hücumunu qətiyyətlə pisləyir.

Bu barədə Avropa İttifaqı Şurasının Prezidenti Şarl Mişel “X”dəki hesabında bildirib.

Ş.Mişelin sözlərinə görə, Yaxın Şərqdə ölümcül eskalasiya spiralı indi dayanmalıdır.

“Regional müharibə heç kimin maraqlarına uyğun deyil. Aİ gərginliyin azaldılması və mülki əhalinin həyatının qorunması üçün səyləri dəstəkləməyə hazırdır”, – deyə o əlavə edib.

Həmçinin Avropa İttifaqının xarici işlər və təhlükəsizlik siyasəti üzrə ali nümayəndəsi Cozep Borrel də İranın hücumunu qınayıb.

O bildirib ki, Aİ regional müharibənin qarşısının alınmasına tam sadiq qalır.