BMT Fransada polis özbaşınalığına susmadı

BMT-nin İnsan Haqları üzrə Ali Komissarlığı Fransanı hüquq-mühafizə orqanlarında irqçilik və ayrı-seçkiliklə bağlı problemləri həll etməyə çağırıb.

Ölkənin polisi tərəfindən güc tətbiqi zərurət və mütənasiblik prinsipləri ilə tənzimlənir, bu məsələyə ciddi şəkildə nəzarət edilir. İrq və bərabərlik həmişə çətin siyasi məsələlərdən biri olub, lakin Fransada bu məsələlərin həlli daha da çətindir, buna səbəb isə ölkənin hamı üçün bərabərliyi təmin etməyə və bütün vətəndaşları fransızlaşdırmağa çalışan dünyəvilik brendidir.

Fransa KİV-i Nahelin Əlcəzair əsilli olması ilə bağlı məlumat yayıb. Onun aksiya iştirakçıları arasında olan Anası Mouniya oğlunun irqi fərqli olduğu üçün öldürüldüyünə inanır.

“Polis ərəb simalı uşağı görüb və bu səbəbdən də onun həyatını sonlandırmaq istəyib. Gənclərin bu şəkildə öldürülməsi nə vaxta qədər davam edəcək? Neçə ana mənim vəziyyətimə düşəcək?”, – deyə o bildirib.

Qeyd edək ki, Fransada bəzi siyasətçilər və aksiya fəalları polislərlə bağlı yeni islahatların aparılmasına, o cümlədən 2017-ci ildə qəbul edilmiş qanunun ləğvinə çağırıblar. Məlumat üçün bildirək ki, bu qanun polislərə odlu silahdan istifadəyə şərait yaradır.