Bu, əsirlərin azad edilməsi üçün daha bir açardır | Netanyahu
"İsrail Qəzza zolağında hərbi əməliyyatlar zamanı HƏMAS hərəkatının strateji aktivlərini ələ keçirib və danışıqlar zamanı onlardan istifadə etmək niyyətindədir".
Bunu İsrailin Baş naziri Benyamin Netanyahu HƏMAS-da girovluqda olan şəxslərin ailələri ilə görüşündə deyib.
"HƏMAS-ın strateji aktivlərini ələ keçirdik. Bu, girovlarımızın azad edilməsi üçün daha bir açardır. Biz Qəzza zolağının şimalına və Xan Yunisə nəzarət edirik, Rəfaha daxil olmağa hazırlaşırıq. Bütün girovları geri qaytarmaq üçün bu aktivlərdən ağıllı şəkildə istifadə etməliyik", – deyə B.Netanyahu bildirib.
Baş nazir HƏMAS-ın hansı aktivlərindən danışdığını açıqlamayıb.
Bu arada, HƏMAS İsraili Qəzza danışıqlarını dalana dirəməkdə günahlandırıb. Hərəkatın nümayəndəsi Məhəmməd Nazzal bildirib ki, İsrail tərəfi Qəzza zolağında atəşkəslə bağlı danışıqları dalana dirəyib.
Onun sözlərinə görə, Dohadakı görüş qarşılıqlı anlaşmaya gətirib çıxarmayıb.
"Nəticədə İsrailin barışmaz mövqeyi ucbatından məsləhətləşmələr dalana dirəndi", – deyə HƏMAS nümayəndəsi bildirib.