Bu ölkələrdə vəziyyət pisləşə bilər | BMT rəsmisindən dünyaya çağırış

Dünyanın daha 17 ölkəsində ərzaqla bağlı vəziyyət yaxın gələcəkdə daha da pisləşə bilər.

Bunu BMT-nin Ərzaq və Kənd Təsərrüfatı Təşkilatının Rusiya ofisinin direktoru Oleq Kobyakov deyib.

“Dünyada aclığın artmasına müxtəlif amillər, o cümlədən silahlı münaqişələr, təbii fəlakətlər və qlobal iqlim dəyişikliyi təsir göstərir. Bu baxımdan bir sıra Afrika ölkələri, eləcə də Qəzza zolağı təhlükə altındadır. Ənənəvi aclığın qaynar nöqtələri isə Yəmən, Sudan, Cənubi Sudandır.

Ac insanların sayı ilə bağlı sənəd var. Bu, aclığın qaynar nöqtələri deyilən yerlərlə bağlı Ümumdünya Ərzaq Proqramı ilə birgə dərc edilən sənəddir. Hesabatda proqnozlaşdırılır ki, mövcud tendensiyalar davam edərsə, dünyanın daha 17 ölkəsində ərzaq vəziyyəti daha da pisləşə bilər”, – O.Kobyakov bildirib.