Bu xəstəlik iflicə səbəb ola bilər

Macarıstanda “ekzotik” hesab edilən Qərbi Nil qızdırması halları qeydə alınmaqda davam edir və mütəxəssislər xəstəliyin bəzi hallarda ciddi fəsadlara, o cümlədən iflicə səbəb ola biləcəyi barədə xəbərdarlıq edirlər.

Virus əsasən ağcaqanadlar vasitəsilə yayılır və artıq ölkə daxilində yoluxma halları təsdiqlənib.

oluxanların əksəriyyətində simptomlar ya müşahidə olunmur, ya da yüngül qripəbənzər şəkildə keçir. Bununla belə, yoluxanların 20-30 faizində xəstəlik ağırlaşaraq meningit və ya beyin iltihabı kimi təhlükəli vəziyyətlərə gətirib çıxara bilər.

Səhiyyə orqanları bildirirlər ki, risk xüsusilə yaşlılar və uşaqlar üçün daha yüksəkdir. Ağır hallarda ölüm riski də mövcuddur.

Mütəxəssislər profilaktika məqsədilə vətəndaşlara açıq havada qoruyucu vasitələrdən istifadəni və ağcaqanad sancmalarından qorunmağı tövsiyə edirlər.