Cənnətdə özünə yer etmək istəyənlərə ağlasığmaz təklif

Meksikada yerləşən “Entoms” kilsəsi ağlasığmaz bir təkliflə çıxış edib.

Belə ki, ibadətgah cənnətdəki torpaqların bir kvadratmetrinin 100 dollardan satışa çıxarıldığını elan edib.

Bu barədə kilsənin sosial şəbəkə hesabında məlumat verilib.

Bildirilib ki, daşınmaz əmlakın alışı zamanı kredit kartı və mobil ödənişlər də qəbul edilir.

Paylaşımda buludlar arasında müqəddəs ev və qızıl nərdivandan cənnətdəki evinə daxil olan ailəni təsvir edən illüstrasiya belə təqdim olunub. İbadətgah alıcılara çevik ödəniş planları təklif etdiyini də açıqlayıb.

Yerli daşınmaz əmlakla məşğul olan sosial media fenomenlərindən biri artıq cənnətdəki torpaqların milyonlarla dollarlıq hissəsinin satıldığını iddia edib.

Amma buna baxmayaraq, kilsənin bu addımını birmənalı qarşılamayanlar da olub. Tənqidlərə cavab olaraq, ibadətgahın keşişi hətta Tanrıdan icazə aldığını belə iddia edib.