Çinə aid gəmilər Yaponiyanın Senkaku adalarının ətrafına toplaşdı

"Çinin sahil mühafizəsinə aid gəmilərinin bu cür fəaliyyəti beynəlxalq hüququn pozulmasıdır. Diplomatik kanallarla Çinə etiraz ünvanlamışıq və Yaponiyaya aid suları tərk etməyi tələb etmişik. Çinə aid sahil mühafizəsi gəmilərinin Yaponiyanın Senkaku adalarının ətrafına toplanması qəbuledilməzdir. Onlar bizim ərazimizə soxulublar. Biz ayıq-sayıqlığı qoruyaraq Pekinə təmkinli və qəti cavab verəcəyik".

Bu sözləri Yaponiya nazirlər kabinetinin baş katibi Minoru Kihara söyləyib.

Qeyd edək ki, Yaponiya ilə Cənubi Koreya Sakit okeanda Rusiya, Şimali Koreya və Çinin keçirdiyi hərbi təlimlərdən narahatdır.

Yaponiyanın Baş naziri Sanae Takaiçi son çıxışlarının birində bildirib ki, Çin Yaponiya bir yana, Tayvana da hücum etsə, Tokionun reaksiyası ilə üzləşəcək. Artan gərginliyinin fonunda rəsmi Pekin vətəndaşlara Yaponiyaya səfərdən çəkinmək barədə çağırış edib.

"Bu çağırış qarşılıqlı strateji əlaqələrin istiqaməti ilə uyğun gəlmir. Çünki Yaponiya ilə Çin arasında əməkdaşlğın qurulması liderlər tərəfindən razılaşdırılmışdı. Buna görə də Çini müvafiq addımlar atmağa çağırırıq", ‒ deyə M.Kixara əlavə edib.