Çinlilərin dünyaya səs salan oyunu | Alimlər daha nələri ortaya çıxardı?

Honq Konq Politexnik Universitetinin tədqiqatçıları müəyyən ediblər ki, “Madjonq” oynamaq yaşlı insanlarda yaddaşı, ümumi koqnitiv bacarıqları və psixi sağlamlığı yaxşılaşdırmağa kömək edir.

“Madjonq” bir-dörd civarında oyunçu üçün zər və ya plitələrdən istifadə edərək oynanan Çin oyunudur. Oyunun məqsədi mövcud plitələri oyun sahəsində yerləşənlərlə birləşdirib əldə edilən üç zərdən və qoşadan ibarət dörd qrupdan ibarət qalib kombinasiya toplamaqdır. “Madjonq” qaydaları “Solitaire” qaydalarına bənzəyir.

Tədqiqatçılar oyunun yaşlı iştirakçılarda zehni və sosial fəaliyyətə təsirini araşdıran 50-dən çox elmi işi təhlil ediblər. Nəticələrə görə, “Madjonq” yaddaş və idrak qabiliyyətlərini qorumağa kömək edir, həmçinin depressiyadan qoruyur. Təcrübəli “Madjonq” oyunçularının daha yaxşı dərketmə və koordinasiya nümayiş etdirdiyi aşkar edilib.

“Madjonq” oyunçuları qeyri-oyunçularla müqayisədə daha yüksək sosial aktivliyə malikdirlər. Sosial fəaliyyət isə insanın ictimai həyatda iştirakını və dostluq əlaqələrinin olmasını əks etdirir. Araşdırmalar göstərib ki, aktiv ünsiyyət alzheimer xəstəliyinin inkişaf riskini azaldır.