Danimarka Qrenlandiya üçün hərəkətə keçdi | Trampın bu iddiası aranı qarışdırdı

Danimarka Qrenlandiyanın müdafiəsini gücləndirəcək.

Bunu Danimarkanın müdafiə naziri Troels Lund Poulsen mətbuat konfransında deyib.

Onun sözlərinə görə, Danimarka Qrenlandiya, Şimal Buzlu okeanı və Şimali Atlantikanın müdafiəsinə 14,6 milyard kron və ya təxminən 2 milyard avro sərmayə qoyacaq:

“Biz Arktika və Şimali Atlantikada təhlükəsizlik və müdafiə ilə bağlı ciddi problemlərlə üzləşməməliyik. Bu səbəbdən regionda mövcudluğumuzu gücləndirməliyik. Bu sazişin məqsədi məhz bundan ibarətdir”.

Danimarkanın xarici işlər naziri Vivian Motzfeldt isə əlavə edib ki, Qrenlandiyanın təhlükəsizliyi sual altındadır.

Nazirin bu açıqlaması Avropa İttifaqının Qrenlandiyanın suverenliyi ilə bağlı danışıqlar aparmaqdan boyun qaçırması fonunda səslənib.

Xatırladaq ki, Aİ-nin Danimarkanın ərazi bütövlüyü və suverenliyi ilə bağlı danışıqlar aparmalı olub-olmaması ilə bağlı suala İttifaqın xarici siyasət rəhbəri Kaja Kallas “Xeyr, biz Qrenlandiya ilə bağlı danışıqlar aparmırıq. Təbii ki, biz üzv dövlətimiz Danimarkanı və onun muxtar bölgəsi olan Qrenlandiyanı dəstəkləyirik”, – deyə neytral cavab verib.

Xüsusilə D.Trampın bu ərazilərə dair səsləndirdiyi iddiaları tərəfləri ciddi narahatlıq keçirməyə vadar edib.