Dərhal 359 milyard dollarlıq qanun layihəsini təsdiqləyin | Donald Tramp

ABŞ Prezidenti Donald Tramp Konqresdəki bütün respublikaçıları Müdafiə Nazirliyi üçün 350 milyard dollarlıq əlavə büdcənin təsdiqlənməsi üçün qanun layihəsini dərhal təqdim etməyə və təsdiqləməyə çağırıb.

Bu barədə Prezident "Truth Social"da yazıb:

"Konqresdəki respublikaçıları dərhal gözlənilən 350 milyard dollarlıq Recon 3.0 büdcə uzlaşması qanun layihəsini irəli sürməyə və qəbul etməyə çağırıram".

Tramp bildirib ki, Recon 3.0 qanun layihəsi ABŞ-nin ümumi hərbi büdcəsinin 1,5 trilyon dollara çatması üçün zəruri bir addımdır.

Amerika lideri silahlı qüvvələrin modernləşdirilməsi üçün vəsaitə ehtiyac olduğunu vurğulayıb. O, bunun "Qızıl günbəz" raketdən müdafiə qalxanı və "Qızıl donanma" layihəsinə, eləcə də sursat ehtiyatlarının artırılmasına və F-47 qırıcılarının, B-21 bombardmançılarının və PUA-ların istehsalının artırılmasına aid olduğunu qeyd edib.

Qanun layihəsinə həmçinin Trampın beş islahat təklif etdiyi "Amerikanı Xilas Et" qanunu da daxildir. Səsvermə hüquqları sahəsində bura seçkilər üçün məcburi fotoşəkilli şəxsiyyət vəsiqəsi və vətəndaşlıq sübutu, eləcə də poçtla səsverməyə məhdudiyyətlər daxildir.

Sosial hüquqlar sahəsində isə bura kişilərin qadın idman yarışlarından kənarlaşdırılması və yetkinlik yaşına çatmayanlar üçün cinsiyyət dəyişdirmə əməliyyatının tamamilə qadağan edilməsi daxildir.