Doha danışıqları alınmadı, çünki... | Tərəflər arasında gərginlik yaradan məsələ
Yaxın Şərqdə sülhün son ümidi olan Qətər danışıqları nəticəsiz qalıb. Buna səbəb isə HƏMAS-ın İsraillə atəşkəs və girov mübadiləsinə dair son təklifi rədd etməsi olub.
Yerli medianın yaydığı informasiyaya görə, İsrailin Baş naziri Benyamin Netanyahu danışıqlara xələl gətirib. Bildirilib ki, hökumət rəhbəri Qəzzada münaqişəni uzatmaq üçün yeni şərtlər və tələblər irəli sürüb.
HƏMAS-ın bəyanatında B.Netanyahunun vasitəçilərin səylərinin və razılığın əldə olunmamasına görə məsuliyyət daşıması fikri də öz əksini tapıb. İsrailin Baş naziri isə sözügedən ittihamları rədd edib.
O bildirib ki, İsrail həm müdafiə, həm də hücum baxımından istənilən təhdidə hazırdır:
“Biz özümüzü qoruyacaq potensialdayıq. Bundan əlavə, bizə hücum etmək fikrində olan düşmənlərə layiq olduğunu qaytarmaq kimi bir xüsusiyyətimiz var. Biz danışıqlar aparırıq. Danışıqlar isə yalnız girovlardan ibarət deyil. Qəbul edə biləcəyimiz və bilməyəcəyimiz məsələlər var. Biz bu 2-si arasında necə fərq qoymalı olduğumuzu da çox yaxşı bilirik. İsrailin təhlükəsizliyi üçün lazım olan prinsiplərdən yanayıq. Bu prinsiplər ABŞ-nin də dəstəklədiyi 27 May razılaşması ilə də uyğundur”.
B.Netanyahu əlavə edib ki, HƏMAS indiyədək inadkar olub. Hətta Dohadakı danışıqlara nümayəndə belə göndərməyiblər: “Ona görə də təzyiqləri İsrail hökumətinə deyil, HƏMAS-ın özünə və lideri Yəhya Sinvara yönəltmək lazımdır”.
![icon](/images/loading.png)