Durov Fransa ilə əməkdaşlıq edir ki... | Paris prokuroru etiraf etdi

“Telegram”ın təsisçisi Pavel Durov həbs olunduqdan sonra məhkəmənin qoyduğu şərtlərə əməl edir və Fransanın ədliyyə orqanları ilə əməkdaşlıq edir”.

Bu barədə Paris prokuroru Lor Beko öz açıqlamasında bildirib.

O həmçinin qeyd edib ki, P.Durov həftədə iki dəfə polisə ölkəni tərk etmədiyi barədə məlumat verir.

“Bəs şəxsi yazışmalar qorunurmu? Qorunur. Bəs onları biz lazım gələrsə oxuya bilərikmi? Bəli”, – deyə prokuror bildirib.

Xatırladaq ki, Pavel Durov avqustun 24-də “Paris Le Burje” hava limanında saxlanılıb. Avqustun 28-də isə o, Fransa hakimiyyəti ilə əməkdaşlıqdan imtina etməkdə, həmçinin uşaq pornoqrafiyasının yayılması üçün rəqəmsal vasitələrin təmin edilməsində, narkotik alverində və fırıldaqçılıqda ittiham olunub. Lakin 5 milyon avro müqabilində Fransanı tərk etməmək şərti ilə azadlığa buraxılıb.