Ən çox güvənilən və nifrət edilən liderlər

Ukraynalılar xarici siyasətçilər arasında ən çox Polşa Prezidenti Anjey Dudaya güvənirlər. Rusiya Prezidenti Vladimir Putin isə əksinə, ukraynalıların ən etibarsız hesab etdikləri dövlət başçısıdır.

Bunu Yeni Avropa Mərkəzinin sifarişi ilə Ukraynada keçirilən sosiol sorğunun nəticələri göstərib. Məlum olub ki, Polşa Prezidenti ardıcıl ikinci ildir ölkə əhalisinin rəğbət bəslədiyi xarici lider olaraq qalır. Respondentlərin 87%-i ona güvənir.

ABŞ Prezidenti Co Bayden 79 faizlə ikinci, Avropa Komissiyasının rəhbəri Ursula von der Leyen isə 73% səslə üçüncü yerdədir. Ukrayna etimad şkalasının əks ucunda, gözlənildiyi kimi, Rusiya və Belarusun liderləri dayanırlar. Sorğuda iştirak edən ukraynalıların 97%-i Vladimir Putinə, 94%-i isə Aleksandr Lukaşenkoya etibar etmir. Ukraynada sevilməyən liderlərin üçlüyünə 73% səslə Çin lideri Si Tsinpin də daxildir.