Ər-Riyad görüşündə, əslində, nə baş verib? | NATO Baş katibindən sensasiya

Şimali Atlantika Alyansı (NATO) ölkələrinin Rusiyanın tələblərinə müstəqil şəkildə “reaksiya vermək” hüququ var.

“RİA Novosti” xəbər verir ki, bunu NATO-nun baş katibi Mark Rutte deyib.

O qeyd edib ki, Rusiya Prezidenti Vladimir Putin danışıqlar masasında öz mülahizəsinə uyğun tələblər irəli sürə bilər. “Lakin Rusiya lideri “alyansın 32 üzvü arasında necə davranacağımızı bizə diqtə edə bilməz. O, tələblərini irəli sürə bilər, lakin necə reaksiya vermək bizim haqqımızdır”, − baş katib bildirib.

Fevral ayında Rusiya Prezidentinin mətbuat katibi Dmitri Peskov bildirib ki, Rusiyanın Səudiyyə Ərəbistanında ABŞ-Rusiya danışıqları zamanı NATO qoşunlarının Şərqi Avropa ölkələrinin ərazilərindən çıxarılmasını tələb etdiyi iddia edilən məlumatlar həqiqətə uyğun deyil.

NBC telekanalı xəbər verir ki, Pentaqonun rəhbəri Pete Heqset guya Ukrayna rəsmilərinə qeyri-rəsmi danışıqlarda ABŞ-nin Amerika qoşunlarının böyük bir hissəsini Avropadan çıxarmağı düşündüyünü deyib.

Öz növbəsində “Financial Times”ın köşə yazarı Gideon Rahman yazıb ki, ABŞ Rusiya ilə Ukrayna ilə bağlı danışıqlar fonunda tezliklə ABŞ qoşunları Latviya, Litva və Estoniyadan çıxarıla bilər. Jurnalist qeyd edib ki, avropalılar artıq Vaşinqtonu arxalana biləcəkləri müttəfiq kimi görmürlər.