Dünya
Pleyeri seçin:
Ərdoğandan sərt xəbərdarlıq | Ankara hazırda A Planını həyata keçirir, lakin…
Qərbin yeni tələblər irəli sürəcəyi təqdirdə Türkiyə və Suriya silahlı qüvvələri PKK-ya genişmiqyaslı hərbi əməliyyat keçirəcək.
Bu barədə Türkiyənin “Hürriyyet” qəzeti məlumat yayıb.
“Türkiyə Prezidenti Rəcəb Tayyib Ərdoğan xəbərdarlıq edib ki, PKK/YPG silahı yerə qoymasa, Suriyada başqa bir idarəçiliyə can atmağa davam edərsə və Qərb dövlətləri bu istiqamətdə tələblər irəli sürərsə, Suriya dövləti ilə birgə genişmiqyaslı hərbi əməliyyat qaçılmaz olacaq”, – qeyd olunur.
Nəşr Qərbin hansı tələblərinin müzakirə oluna biləcəyini dəqiqləşdirməyib.
Qəzetin yazdığına görə, Ankaranın Suriyadakı səyləri PKK/YPG-nin varlığını davam etdirməsini təmin etmək deyildi:
“Ankara hazırda A planını həyata keçirir, lakin B planı da masadadır”.
Qeyd edək ki, Türkiyə xarici işlər naziri Hakan Fidan da Suriyada fəaliyyət göstərən PKK/YPG-nin şərtləri yerinə yetirməyəcəyi təqdirdə onlara qarşı hərbi əməliyyat keçiriləcəyini bildirmişdi.
Kopyalandı
Seçilmişlər
