Ermənistan Türkiyənin vilayətinə çevriləcək | Vardanyandan "5-ci kolon" açıqlaması
“Rusiya regionu tərk etmək fikrində olmadığını gizlətmir. İrəvan isə Moskvanı təxribata çəkmək üçün bütün mümkün vasitələrdən istifadə edir”.
Bunu Ermənistan Ümumerməni Fondunun keçmiş rəhbəri Ara Vardanyan deyib.
“Ölkəmizdəki beşinci kolon Ermənistanda rusofob əhvali-ruhiyyəni yaymaq üçün hər şeyi edir. Bütün bunlar bizi ancaq Ukrayna və ya Suriya ssenarisinə yaxınlaşdırır. Mövcud tendensiyalar davam etsə, İrəvanın gələcək perspektivləri dumanlı görünür. Ermənistanın dövlətçiliyi sual altında qala bilər və beşinci kolonun nümayəndələri, məsələn, “Respublika” partiyasının lideri Aram Sərkisyan, politoloq Levon Şirinyan və bir çox başqaları bunun üçün ilk növbədə məsuliyyət daşıyırlar.
Bu insanlar müxtəlif mərkəzlərdən maliyyələşirlər. Öz fəaliyyətləri ilə anti-Rusiya əhvali-ruhiyyəsini pik həddə çatdırıb Ermənistanı Türkiyənin tabeçiliyinə vermək məqsədi güdürlər. Ankara Qərbin regiondakı təmsilçisidir, Ermənistan Rusiya ilə münasibətləri kəsdiyi gün Türkiyənin vilayətinə çevriləcək”, – o bildirib.
#Ermənistan teqi istifadə olunub
- Paşinyan bir saat havada qaldı | Moskva səmasında nə baş verdi? - Baku TV
- Ermənistanlı nazirdən sülh barədə açıqlama
- Ermənistanın Qarabağ yalanı Brüsselin sənədinə necə düşdü? - AKTUAL GÜNDƏM
- Ermənistanın Vaşinqton öhdəliklərinə xəyanəti danışıqlar prosesini tamamilə pozmağa hesablanıb?
- Bakı yanacağı İrəvana pulsuz daşınılacaq | "Sülh əməkdaşlıq və dostluqdan asılıdır" - Baku TV
