Ermənistanda gözlənilən seçkilər | Koçaryanı qorxudan nədir?

“Ermənistan” blokunun baş nazirliyə namizədi Robert Köçəryan və komandası iyunun 7-də keçiriləcək parlament seçkiləri ilə əlaqədar ümidsizdir.

Bu barədə “İravunk” məlumat yayıb.

Nəşr bildirib ki, ümidsizlik müxalifətin seçkilərdəki mümkün səslərinin ayrı-ayrı qüvvələr arasında bölünməsi ilə əlaqəlidir:

“Daşnaksütyun”dan əldə etdiyimiz məlumata görə, Köçəryanın komandası seçkiqabağı vəziyyətə olduqca qaranlıq baxır. Ermənistan vətəndaşlığına malik Qarabağ ermənilərinin əhəmiyyətli hissəsi də daxil olmaqla, ümidlərin olduğu bir neçə ictimai seqment Samvel Karapetyana səs verməyə daha çox meyillidir”.

Mənbənin sözlərinə görə, hətta “Daşnaksütyun”da belə Köçəryan və komandasının real nəticələr əldə edə biləcəklərinə inam yoxdur. Başqa sözlə, seçkilərdən əvvəl minimum həddi aşmaq qorxusu var idisə, indi vəziyyət daha da acınacaqlı görünür.

Həmçinin mənbə qeyd edib ki, Köçəryan vəziyyəti xeyrinə dəyişdirmək üçün yeni ideyalar təqdim etməyib.

Mənbənin fikrincə, seçkilərdə müxalifət səslərinin ayrı-ayrı qüvvələrin arasında bölünməsi rusiyalı oliqarx Samvel Karapetyanın da şanslarını azaldır.