Ermənistanda xaos pik həddə | Nikah-sünnət qalmaqalı niyə bitmək bilmir?

“Mən də dostlarımla Eçmiədzindəki kilsəyə gedirəm. Maskalı şəxslərin ora soxulması erməni kilsəsinin təhqir olunmasıdır”.

Bunu Ermənistanın sabiq ombudsmanı Arman Tatoyan deyib.

“Hökumətin son addımları Eçmiədzinin də hücuma məruz qalacağını sübut edir”, − deyən Ermənistan parlamentinin “Hayastan” fraksiyasından olan deputat Qeqam Manukyanın sözlərinə görə, arxiyepiskop Baqrat Qalstanyanın həbsindən sonra bilinirdi ki, hökumət bu tədbirləri davam etdirəcək.

Bəzi ermənilərin fikrincə, katolikos II Qareginin də həbsi gözlənilir. Çünki N.Paşinyan və II Qaregin arasında nikah-sünnət mübahisəsi davam edir. N.Paşinyan katolikosun nikaha girdiyi, Qaregin isə Nikolun sünnət olunduğu iddiasındadır.

Bu arada arxiyepiskop Mikael Acapahyanın həbsinə mane olmaq istəyən vətəndaşlar barədə araşdırma aparılacaq. İstintaq Komitəsindən bildirilib ki, həmin insanlar qanuni qərarın icrasına əngəl törətməkdə ittiham olunur.

Qeyd edək ki, Ermənistan hökuməti “kilsə-oliqarx” birliyinin dövlət çevrilişi hazırladığına dair məlumat əldə edib və bunun qarşısını almaq üçün əməliyyatlar keçirir. II Qareginə ən yaxın arxiyepiskopların evlərində axtarışlar aparılıb və mənzillərində şübhəli faktlar aşkarlanan keşişlər saxlanılıb.