Ermənistanın xarici siyasətində nələr dəyişəcək? | Babacanyandan Paşinyanla bağlı sensasiyalı sözlər

“ABŞ-də iqtidarın və siyasətin kökündən dəyişməsindən sonra Nikol Paşinyan ABŞ-dən dəstək ala bilməyəcəyini anlayır, üstəlik, Rusiya ilə münasibətləri də korlayıb, indi onun yeganə ümidi köhnə liberal faşist elitaların liderlik missiyasını öz üzərinə götürdüyü Avropadır”.

Bu sözləri erməni jurnalist və siyasi şərhçi Avetis Babacanyan yazıb.

O bildirib ki, Paşinyanın Münhenə səfəri, parlamentin Xarici Əlaqələr Komitəsinin sədri Sərkis Xandanyanın isə Ukraynada görünməsi və Ali Radanın sədri Ruslan Stefançuka “cəsarətli fəaliyyətinə” görə dəstək verməsi sübut edir ki, Paşinyan indi antiamerikan olacaq:

“Avropada “Anti-Amerika İttifaqı”na ehtiyac ABŞ-nin vitse-prezidenti Vensin Münhendəki məşhur çıxışından sonra yarandı. O, açıq şəkildə dedi ki, Avropa ölkələrinin hökumətləri demokratiyadan uzaqlaşıb, demokratiya haqqında yanlış təsəvvür yaradıb, demokratiyadan danışırlar, amma reallıqda diktatordurlar. Antifeministlər təqib edilir, Britaniyada namaz qılmaq artıq insanların qınandığı cinayətə bərabər tutulur.

Bütün bunlar demokratiyadan danışaraq, müxtəlif qanunsuz üsullarla seçkilərin nəticələrini ləğv edən, vətəndaşların səsverməsini təhrif edən Ermənistanın indiki avtoritar administrasiyasına da aiddir. Amma məsələ ondadır ki, avropalıların antiamerikan ittifaqı real ola bilməz. Əksər Avropa ölkələri öz təhlükəsizliyini və iqtisadi imkanlarını Amerikanın gücü və dəstəyi ilə təmin edirsə, avropalılar nə qədər birləşsə də, Rusiyaya qarşı mübarizə apara bilməzlər”.