Fələstin BMT-yə üzv ola bilmədi? | Nəticələr açıqlandı

ABŞ Fələstinin BMT-yə tamhüquqlu üzvlüyünü nəzərdə tutan qətnamə layihəsinə veto qoyub.

Sorğunun nəticəsinə görə, təşkilatın Təhlükəsizlik Şurasının 12 üzvü qətnamənin lehinə, 1-i əleyhinə, İsveçrə və Böyük Britaniya isə məsələyə bitərəf qalıb.

Qeyd edək ki, Fələstinin BMT-dəki daimi nümayəndəsi Riyad Mənsur aprelin 2-də verdiyi bəyanatda təşkilatın Baş katibi Antonio Quterreşə məktub ünvanlayaraq üzvlük müraciətlərinə yenidən baxılmasını xahiş edib. Baş katib aprelin 3-də şuraya müraciət edərək mövzunun yenidən gündəmə gətirilməsini tələb edib. Daha sonra aprelin 8-də sözügedən tələb qurumun Yeni Üzvlərin Qəbulu Komitəsinə göndərilib. Lakin qərar layihəsi qəbul olunmayıb. Beləliklə, Fələstin BMT-də daimi müşahidəçi statusunu qoruyub saxlamağa davam edir.