Fransa sağçılarının keçmiş lideri Jan Mari Le Pen dünyasını dəyişdi | Ölüm səbəbi

Fransanın “Milli Cəbhə” Partiyasının keçmiş lideri Jan-Mari Le Pen yanvarın 7-də 96 yaşında vəfat edib.

Bir neçə həftədir baxım müəssisəsində olan Jan-Mari Le Pen çərşənbə axşamı Fransa vaxtı ilə saat 12:00-da yaxınlarının əhatəsində ölüb.

Qeyd edək ki, o, Fransa müxalifətinin lideri Marin Le Penin atasıdır. 1972-2011-ci illərdə “Milli Cəbhə” Partiyasına rəhbərlik edib. Siyasətçi neçə müddət idi ki, xəstəxanada müalicə alırdı. Bundan öncə dəfələrlə mətbuatda onun xəstəxanaya yerləşdirilməsi ilə bağlı xəbərlər yayılıb, lakin sonra ailə onun vəziyyətinin ağır olması ilə bağlı yayılan xəbərləri təkzib edib.

Məlumat üçün bildirək ki, Jan-Mari Le Penin qızı Marin Le Pen atası vəfat etdiyi zaman Mayottada səfərdə olub.

1928-сi ildə doğulan Jan-Mari Le Pen 1942-ci ildə atasını itirdiyinə görə dövlətin himayəsində böyüyüb və təhsil alıb. 1954-cü ildə “Xarici Legion” hərbi dəstəsinin tərkibində hərbi xidmət keçib. Sonralar Əlcəzair xalqına qarşı zorakılıq hadisələrində ittiham olunub. Fransanın ultrasağçı “Milli Cəbhə” Partiyasının qurucusu Jan-Mari Le Pen 2014-cü ildəki müsahibəsi zamanı Holokost qırğınına haqq qazandırdığı üçün irqi düşmənçilik yaratmaqda ittiham edilib.