Fransa Ukraynaya qoşun göndərir? - Liderin xahişi yerinə yetirildi

“Fransa Prezidenti Emmanuel Makron rəsmi Kiyevə verdiyi sözü tutub. Parisin cəbhəyə qoşun göndərməsi fikri artıq öz təsdiqini tapacaq”.

Bu barədə Ukrayna Silahlı Qüvvələrinin baş komandanı Aleksandr Sırski bildirib.

Onun sözlərinə görə, Fransa Ukraynaya hərbçilərə təlim keçməsi məqsədilə təlimatçılar göndərmək niyyətindədir. Baş komandan artıq lazımi sənədlərin imzalandığını açıqlayıb.

Onun sözlərinə görə, Fransanın qoşun göndərmək ilə əlaqədar qətiyyəti digər tərəfdaşları da sözügedən layihəyə qoşulmağa sövq edəcək.

Qeyd edək ki, bu addım Ukraynanın xahişi ilə atılıb.

Xatırladaq ki, Fransa Prezidenti Emmanuel Makron bir müddət öncə Ukraynaya qoşun göndərmək fikri ilə çıxış edib. Avropa İttifaqına üzv ölkələrin liderləri sözügedən təklifi gülünc adlandıraraq qətiyyətlə rədd ediblər. Hətta Fransanın özündə bu açıqlama ciddi etirazlarla qarşılanıb.