Fransa və Gürcüstan arasında hansı müqavilə ləğv olundu? | Qalmaqallı xəbərin detalları

Fransanın Nant şəhərinin meri Tbilisi ilə 1979-cu ildən qüvvədə olan “Qardaşlaşma sazişi”nin dayandırıldığını elan edib.

Bu qərar Gürcüstandakı siyasi vəziyyətlə bağlı narahatlıqlarla əsaslandırılıb.

“2024-cü ilin dekabrından bəri ölkədə genişmiqyaslı etirazlarla müşayiət olunan müxalifətə qarşı repressiyaları müşahidə edirik”, – deyə Nant meriyasından bildirilib.

Meriyada həmçinin uzun illərdir Nantla əməkdaşlıq edən Tbilisi meriyasının Beynəlxalq Əlaqələr Departamentinin əməkdaşlarının işdən çıxarılmasına görə təəssüf ifadə olunub.

Fransız tərəfinə görə, bu işdən çıxarılmalar siyasi xarakter daşıyırdı, çünki işdən azad edilənlərin əksəriyyəti Avropa İttifaqına inteqrasiyanı dəstəkləyirdi.

Nant meriyası dəqiqləşdirib ki, qardaşlaşma münasibətləri əməkdaşlıq üçün zəruri şərait bərpa olunana qədər dondurulacaq. Buna baxmayaraq, şəhər Gürcüstanda maraqlı tərəfləri vətəndaş cəmiyyəti strukturları vasitəsilə dəstəkləməyə davam edəcək.