Girovların hamısını... | Netanyahudan sərt mesaj

“İsrail HƏMAS hərəkatının hərbi və idarəetmə strukturunu məhv edənə, bütün girovları qaytarana qədər Qəzza zolağından çıxmayacaq”.

Bunu İsrailin Baş naziri Benyamin Netanyahu girovların ailələri ilə görüşündən sonra deyib.

“Biz oğurlanmış 120 nəfərin hamısını – həm diri, həm də ölü – geri qaytarmaqda qərarlıyıq. Mərhələli olsa belə, biz bu işdən əl çəkməyəcəyik”, – deyə B.Netanyahu bildirib.

Baş nazirin sözlərinə görə, İsrailin anklavdakı hərbi mövcudluğu HƏMAS-a təzyiq edir və bu, girovların geri qaytarılması üçün imkanlar yaradır.