Gözətçi itlər də bundan xəbərsiz olub | Heyvanların axırına çıxan nədir?

Meksikada yerli fermerlər ev heyvanlarının sirli ölümləri ilə üzləşiblər.

Bir həftə ərzində naməlum yırtıcı 20-dən çox heyvanı tələf edib, sahiblərini qorxu və çaşqınlıq içində qoyub.

Maraqlıdır ki, gözətçi itlər sanki təcavüzkarın varlığını hiss etməyiblər və heç hürməyiblər.

Bir çoxları əmindir ki, hücumların arxasında Şimali və Cənubi Amerika folklorunda “keçi vampiri” kimi tanınan əfsanəvi varlıq – məşhur çupakabra dayanır.

Tədqiqatçılar bu varlığın uydurma olduğunu düşünsələr də, sakinlər onun görünməsi barədə mütəmadi məlumat verirlər.

Müstəntiqlər hücumların arxasında koyotlar və ya vəhşi it sürülərinin ola biləcəyini güman etsələr də, fermerlər çupakabranın əli olduğuna əmindirlər.

Yerli əhalini qorxu və təşviş bürüyüb, çünki əfsanələrə görə, bu qaniçən məxluq təkcə heyvanlar üçün deyil, həm də insanlar üçün ciddi təhlükə mənbəyi hesab olunur.