Pleyeri seçin:
Green Card qeydiyyatı pullu ola bilər | Yeni qaydalar müzakirə olunur
"Green Card" lotereyasında illərdir davam edən "pulsuz iştirak" dövrü başa çata bilər. Baku TV-nin təqdim etdiyi reportajda ABŞ Dövlət Departamentinin Federal Reyestrdə dərc etdiyi inqilabi təklif müzakirə olunur. Yeni qaydalara əsasən, hər bir müraciətçi üçün 1 ABŞ dolları məbləğində rəmzi qeydiyyat rüsumunun tətbiqi nəzərdə tutulur. Rəsmi Vaşinqton bu addımı proqramın əməliyyat xərclərini bütün iştirakçılar arasında "ədalətli bölüşdürmək", sistemin texnoloji infrastrukturunu yeniləmək və saxta müraciətlərin qarşısını almaq məqsədi ilə izah edir. İndiyədək yalnız qaliblərin ödədiyi 330 dollarlıq viza rüsumu dəyişməz qalsa da, illik 20-25 milyon müraciəti nəzərə alsaq, bu 1 dollarlıq ödəniş ABŞ büdcəsinə ciddi vəsait qazandıra bilər. Yeni qaydaların nə vaxtdan qüvvəyə minəcəyi və ödəniş üsulları barədə ən son təfərrüatlar Baku TV-də.
Kopyalandı
Seçilmişlər
