Hakan Fidan Ankaradakı qeyri-rəsmi sammitdən sonra nələr danışdı? | Detallar açıqlandı

ABŞ əsgərlərini Suriyaya gətirən şərtlər aradan qaldırılmalıdır.

Bunu NATO xarici işlər nazirlərinin Antalyada başa çatan qeyri-rəsmi sammitindən sonra Türkiyə xarici işlər naziri Hakan Fidan jurnalistlərə deyib.

“Suriya ilə bağlı uzun müddətdir sərgilədiyimiz mövqe bəllidir. Prezidentimizin xüsusilə yüksək səviyyəli görüşlərdə gündəmə gətirdiyi məsələ ABŞ-nin sanksiyaları ləğv etməsi ilə bağlı idi.

Prezidentimizin istəklərini nəzərə alaraq Əhməd əş-Şaraanı Səudiyyə Ərəbistanına gətirdilər, prezidentimiz də onlayn rejimdə görüşdə iştirak etdi. Həm qarşılıqlı müzakirələr aparılıb, həm də sanksiyaların ləğvi məsələsi ən yüksək səviyyədə bəyan edilib.

Suriyada həll edilməli olan çoxsaylı məsələ var. Biz məsələyə belə baxırıq: ABŞ əsgərlərini Suriyaya gətirən şərtlərin aradan qaldırılması”, – nazir vurğulayıb.