Hakan Fidan "Əl-Cəzirə" telekanalına müsahibə verib

“Ankara Qəzza zolağının blokadasını yarmaq üçün diplomatiyadan istifadə edir, lakin bu üsullar nəticə verməsə, başqa vasitələrə müraciət edə bilər”.

Bunu Türkiyənin xarici işlər naziri Hakan Fidan “Əl-Cəzirə” telekanalına müsahibəsində bildirib.

Diplomat ABŞ-nin dövlət katibi Antoni Blinkenlə açıq danışdığını və daimi atəşkəs tələb etdiyini vurğulayıb:

“Əgər qırğınlar və bombardmanlar şəraitində Amerikanın İsrailə dəstəyi davam edərsə, bu, qlobal böhran yaradacaq. Onlar istəyirlər ki, insanlar orada yaşaya bilməsinlər, getsinlər”.

O həmçinin jurnalistin “Qəzzaya kim nəzarət etməlidir?” sualına “Qəzza müharibədən əvvəl idarə olunub. İndi də idarə olunur. Əsas problem işğal və bombardmanın davam etməsidir. Onlar infrastrukturu məhv edir, xəstəxanaları və məktəbləri bombalayırlar”, – cavabını verib.