Hakimiyyətdə olanlar ölkədən qaçacaq | Rusiyalı deputat Nikolun planından danışdı

“Ermənistan Avropa İttifaqına daxil olmaq istəyinə görə dünya xəritəsindən silinə bilər”.

Bunu Rusiya Dövlət Dumasının deputatı Vitali Milonov “News.ru”ya açıqlamasında deyib.

O, Qərblə razılaşmalara arxalanan Ukrayna və Gürcüstanın taleyini xatırladaraq Nikol Paşinyanın son açıqlamalarının və addımlarının ölkəni məhvə doğru apardığını bildirib.

“Nikol Paşinyan və hökumət müvəqqətidir, Ermənistan tamamilə zəiflədikdən, məhv olduqdan sonra indiki hakimiyyət ölkəni tərk edərək xaricə köçəcək. Şimali Kiprlə olduğu kimi, bir daha birləşmək lazım gələndə deyəcəklər ki, heç nə etmək olmaz, bu, həyatdır, hər şey ola bilər. Onda xatırlayacaqlar ki, nə vaxtsa Ermənistan adında bir ölkə var idi. Ermənistanın çöküşünə səbəb olanların xatirəsinə məclislər quracağıq”, – deyə o əlavə edib.

Vitali Milonov qeyd edib ki, Avropa İttifaqı bundan öncə də Ukrayna və digər ölkələrə etdiyi kimi istəyinə nail olduqdan sonra bütün qapılarını Ermənistanın üzünə bağlayacaq. Beləcə, üzərinə götürdüyü öhdəlikləri, N.Paşinyana verdiyi sözləri yerinə yetirməkdən boyun qaçıracaq.