Dünya
Pleyeri seçin:
Hava limanlarında təhlükə | Ukrayna Rusiyanı nəyə vadar etdi?
Ukrayna Silahlı Qüvvələrinin Rusiyanın ərazilərini atəşə tutması səbəbindən avqustun 28-də ölkənin bir neçə hava limanında uçuşlar təxirə salınıb.
Federal Hava Nəqliyyatı Agentliyi, Rosaviasiya məlumat verib ki, təyyarələrin uçuşlarının təhlükəsizliyini təmin etmək məqsədilə Kazan Hava Limanının fəaliyyətinə müvəqqəti məhdudiyyətlər tətbiq edilib.
Hava limanı Moskva vaxtı ilə saat 07:00-dan etibarən uçuşları qəbul etmir və təyyarələr havaya qalxmır.
Moskvanın Şeremetyevo Hava Limanı və Soçidən Kazana uçan təyyarələr məhdudiyyət səbəbindən Samaradakı alternativ aerodroma yönləndirilib. Bununla yanaşı, saat 9:00-dan etibarən təyyarələrin uçuşlarının təhlükəsizliyini təmin etmək üçün Nijnekamsk hava limanında da müvəqqəti məhdudiyyətlər tətbiq edilib.
Bildirilib ki, təhlükəsizlik orqanları hazır vəziyyətdədir və plana uyğun olaraq istənilən potensial təhlükə ilə mübarizə aparır.
Kopyalandı
Seçilmişlər
