Hörmüz boğazında ticarət gəmilərinə atəş açıldı - Baku TV

Dünya iqtisadiyyatının əsas arteriyası olan Hörmüz boğazında vəziyyət kritik həddə çatıb. "Baku TV"nin "Dünya" xəbər xidmətinin məlumatına görə, boğazdan keçən bir neçə ticarət gəmisinə naməlum hərbi katerlərdən atəş açılıb. Hadisə nəticəsində tankerlərdən birində yanğın baş verdiyi və heyət üzvləri arasında yaralıların olduğu bildirilir. Donald Tramp administrasiyası insidentə görə məsuliyyətin birbaşa İranın üzərinə düşdüyünü bəyan edərək, hərbi cavab tədbirlərinin qaçılmaz olduğunu vurğulayıb. Videoda hücum anının görüntüləri, zərər çəkmiş gəmilərin dislokasiyası və ABŞ Hərbi Dəniz Qüvvələrinin bölgədəki son hərəkətliliyi təhlil edilir. Qlobal enerji bazarlarını sarsıdan bu hücumun pərdəarxası məqamları və mümkün genişmiqyaslı müharibə riski Baku TV-nin xüsusi reportajında.