Hücumda ölənlər əslində kimdir? - İsrail mediasından qalmaqallı açıqlama

“Suriyada aviazərbələr nəticəsində dağıdılan bina İran səfirliyinə aid deyil”.

Belə bir iddia ilə İsrail mediası çıxış edib. Xəbərdə sözügedən tikilinin SEPAH-ın xüsusi təyinatlı qüvvələri tərəfindən istifadə edilən hərbi struktur olduğu qeyd olunub.

Məlumat üçün bildirək ki, Suriyada İrana məxsus konsulluq binasına edilən hücum nəticəsində İslam İnqilabı Keşikçiləri Korpusu təşkilatının 7 üzvü də daxil olmaqla 11 nəfər həyatını itirib. Rəsmi Tehran hadisəyə görə İsraili ittiham etsə də, Tel-Əviv hələ də məsələ ilə bağlı rəsmi açıqlama verməyib.

Qeyd edək ki, Suriya İnsan Haqları Müşahidə Qrupunun yaydığı informasiyaya görə, Dəməşqə endirilən aviazərbələr nəticəsində ölənlərdən biri HİZBULLAH hərbi qruplaşmasının üzvüdür.