İlk dəfə olaraq Üstyurtda 6,5 min metr dərinliyində quyu qazılıb

Özbəkistanın neft-qaz sənayesində inqilabi yenilik! Ölkə tarixində ilk dəfə olaraq Üstyurt yaylasında 6 500 metr dərinliyində kəşfiyyat quyusu qazılıb. Baku TV-nin təqdim etdiyi süjetdə bildirilir ki, bu barədə məlumatı Prezident Şavkat Mirziyoyev müəllimlər və ziyalılarla görüşü zamanı açıqlayıb. Əvvəllər axtarış işlərinin yalnız 2 500–3 000 metr dərinlikdə aparıldığını vurğulayan dövlət başçısı, yeni dərinlikdə "çox böyük qaz ehtiyatlarının" tapıldığını bəyan edib. Süjetdə həmçinin Azərbaycanın SOCAR şirkəti ilə Özbəkistanın "Uzbekneftegaz" ASC arasında imzalanmış məhsulun bölgüsü sazişinin (PSA) bu layihədəki rolu, 2 milyard dollarlıq investisiya planları və Üstyurt bloklarının regional enerji balansını necə dəyişəcəyi təhlil olunur. Orta Asiyanın yeni enerji gücü statusu və texnoloji sıçrayışın pərdəarxası Baku TV-də.