İran ABŞ hərbi obyektlərini vurdu
Yeniliklərdən dərhal xəbərdar olun
İran Ordusu Bəhreyndə yerləşən ABŞ-nin Şeyx-İsa hərbi bazasının kritik infrastruktur obyektlərinə zərbələr endirib.
Bu barədə İran Ordusunun mətbuat xidmətinin açıqlamasında deyilir.
"Əməliyyatın 26-cı mərhələsi çərçivəsində İran Ordusunun zərbəçi pilotsuz uçuş aparatları Bəhreyndəki Şeyx-İsa bazasında ABŞ Ordusuna məxsus elektrik generatorlarına, naviqasiya sisteminə, eləcə də inzibati və arxa təminat binalarına zərbələr endirib", – deyə məlumatda qeyd olunub.
ABŞ-İran münaqişəsinin növbəti gərginləşmə mərhələsi iyulun 8-də başlayıb. ABŞ Silahlı Qüvvələri Vaşinqton və Tehran arasında memorandumun imzalanmasından sonra ilk dəfə olaraq İran ərazisinə bir neçə silsilə zərbə endirib. Buna səbəb kimi guya Hörmüz boğazında ticarət gəmisinə hücum göstərilib.
Həmin gün ABŞ Prezidenti Donald Tramp İranla atəşkəsin dayandırıldığını elan edib. Cavab tədbirləri çərçivəsində Tehran Bəhreyn, İordaniya, Qətər, Küveyt, BƏƏ və Oman ərazilərində yerləşən ABŞ obyektlərinə hücumlara başlayıb. İyulun 29-da Donald Tramp bildirib ki, ABŞ İrana qarşı zərbələri davam etdirmək niyyətindədir.
#SEPAH teqi istifadə olunub
- SEPAH qaydaları pozan gəmilərə sərt xəbərdarlıq edib
- SEPAH-dan sensasiya: Yolu bağlayıb qərargahlara hücum edəcəkdilər - Baku TV CANLI
- Putinlə görüş zamanı "şparqalka" qalmaqalı | Tramp İranı nədə ittiham edir? - YENİ BİR SƏHƏR
- SEPAH-dan kritik bəyanat | ABŞ-nin regional bazaları da hədəf olacaq? - Baku TV CANLI
- SEPAH xəbərdarlıq etdi: Hörmüzdə kabellər kəsilərsə, nə baş verəcək? - Baku TV CANLI
