İran nədən ehtiyat edərək geri çəkilir?

İran İslam İnqilabı Keşikçiləri Korpusunun müşavirlərindən daha biri – Səyid Əlidadi İsrailin Dəməşqə endirdiyi aviazərbələr nəticəsində həlak olub.

Bu barədə yerli media məlumat yayıb.

Suriya İnsan Haqları Müşahidə Qrupu isə sözügedən hadisədə iki SEPAH üzvünün öldürüldüyünü bildirib.

İran mediasının statistikasına əsasən, 2023-cü ilin dekabrından bu günə qədər korpusun ümumilikdə 50-dən çox üzvü İsrailin aviazərbələri nəticəsində həlak olub.

Xəbərə görə, bölgədə verilən ağır itkilər də İranı ərazidən yüksəkrütbəli zabitlərini çıxarmaq qərarı verməyə məcbur edib. Nəşr iddia edir ki, bu addım rəsmi Tehranın Yaxın Şərqdə qaynayan münaqişəyə birbaşa cəlb olunmaqdan çəkinmək istəyi ilə əlaqəlidir.

Ölkə mediasının digər məlumatına görə isə İranda bəzi qüvvələr İsrailə SEPAH zabitlərinin yeri barədə məlumatlar sızdırır.