İranın xarici işlər naziri Təl-Əvivi niyə təhdid etdi?

İran xarici işlər naziri SEPAH generalını öldürdüyünə görə İsraildən qisas alacağını deyib.

Bu barədə yerli media məlumat yayıb.

Bildirilib ki, İranın xarici işlər naziri Abbas Əraqçı SEPAH-ın Qüds qanadının komandanının əməliyyat üzrə müavini general Abbas Nilfuruşanın ölümü ilə bağlı başsağlığı verib.

“Bu çirkin və qorxaq addım sionist rejim və onun məlum tərəfdarının terrorçu, cinayətkar mahiyyətinin növbəti nümunəsidir. İsrailin bu cinayəti heç vaxt cavabsız qalmayacaq”, – deyə A.Əraqçı bəyan edib.

İranın xarici işlər naziri qeyd edib ki, diplomatik qurum bu addımları mühakimə etmək üçün bütün siyasi, diplomatik, hüquqi və beynəlxalq imkanlardan istifadə edəcək.