İsrail məqsədinə nail olur? - Müharibənin yeni statistikası

Oktyabrın 7-də HƏMAS-ın Qəzzadan hücuma keçməsindən bəri İsrail təhlükəsizlik qüvvələri hərəkatın 500-ə yaxın üzvünü saxlayıb.

Bu barədə İsrail Ordusunun mətbuat xidməti məlumat yayıb.

“Hərbi əməliyyatların başlamasından bu günə kimi İordan çayının qərb sahilində keçirilən antiterror reydləri zamanı axtarışda olan 800-dən çox şəxs saxlanılıb. Onlardan 500-ə yaxını HƏMAS təşkilatı ilə əlaqəlidir”, – deyə məlumatda bildirilib.

Məlumatda əlavə edilib ki, oktyabrın 23-nə keçən gecə aparılan axtarışlar zamanı 64 nəfər saxlanılıb ki, onların da 37-si HƏMAS üzvüdür.

Qeyd edək ki, HƏMAS-ın İsrailə hücumu nəticəsində azı 1400 nəfər həyatını itirib, daha 3 min israilli isə yaralanıb. Fələstin tərəfi isə İsrailin cavab zərbələri nəticəsində azı 5 min nəfərin öldüyünü, 14245 fələstinlinin isə yaralandığını açıqlayıb.