İsrail müharibəyə görə son hazırlıqları gördü | Netanyahu təcili iclas keçirdi

İsrail rəhbərliyi Tehrandan hücum olacağı təqdirdə, İrana qabaqlayıcı zərbə endirmək imkanını nəzərdən keçirir.

Bu barədə “The Times of Israel” nəşri məlumat yayıb.

Xəbərə görə, avqustun 4-də axşam saatlarında İsrailin Baş naziri Benyamin Netanyahu ordunun rəhbərliyi və kəşfiyyat xidmətləri ilə görüş keçirib.

Danışıqlar zamanı İrandan gözlənilən hücumla bağlı kəşfiyyat məlumatlarının doğruluğuna tam əmin olduqdan sonra qabaqlayıcı addım atmaq barədə nəticəyə gəlinib.

Yaxın Şərqdə artan gərginlik fonunda İranın İsrailə ehtimal olunan hücumunu nəzərə alan İsrail hakimiyyəti yüksək rütbəli hökumət nümayəndələrini raket zərbələrindən qoruya bilmək üçün bunkerləri də hazırlıqlı vəziyyətə gətirib.

Qeyd edək ki, tərəflər arasında yarana biləcək müharibə zamanı İsrailin Baş naziri Benyamin Netanyahu və onun yaxın ətrafı Qüdsdə yeraltı bunkerdə saxlanılacaq.