İsrail savaşa necə başladı? - Sensasiya yaradan faktlar üzə çıxdı

Kəşfiyyatın nüvə proqramının “dönməz nöqtəyə” çatdığını deməsindən sonra İsrail İrana qarşı əməliyyata başlayıb.

“The Economist” materiallarla tanış olan yüksək səviyyəli mənbəyə istinadən xəbər verir ki, İsrail İranın nüvə silahı inkişafında “geri dönüşü olmayan nöqtəyə” çatdığını göstərən kəşfiyyat məlumatları alıb. İsrail hakimiyyəti daha sonra məlumatı ABŞ və digər Qərb tərəfdaşlarına ötürüb.

Müttəfiqlərə təqdim olunan dosye İranın nüvə proqramının sürətləndiyini göstərən iki əsas sübutdan ibarət idi.

Əvvəlcə bir qrup iranlı alim Beynəlxalq Atom Enerjisi Agentliyinin (MAQATE) ekspertlərindən zənginləşmə səviyyəsi məlum olmayan müəyyən miqdarda nüvə materialını gizlədib.

İkincisi məlum olub ki, alimlər işlərini gücləndirib və İranın raket qüvvələrinin komandanlığı ilə görüş planlaşdırıblar. Ehtimallara görə, görüşün məqsədi nüvə başlığının raket sistemi ilə mümkün inteqrasiyasına hazırlıq olub.