Pleyeri seçin:
İsrailin keçmiş Baş naziri Rusiya ilə münasibətlərdən danışıb
İsrailin keçmiş Baş naziri və Knessetdəki müxalifət qrupunun lideri Yair Lapid İsrailin “Vesti” qəzetinə müsahibəsində rəsmi Moskvanın Qəzza zolağındakı münaqişədə tutduğu mövqeyə görə Rusiya ilə münasibətlərə yenidən baxmağa çağırıb.
Onun sözlərinə görə, yaxın gələcəkdə heç bir isti münasibətlər olmamalıdır. Müsahibəsində israilli siyasətçi deyib ki, o, Moskvanın Fələstinin HƏMAS hərəkatı ilə əlaqələrini İsrail üçün zərərli hesab edir. Onun fikrincə, İsrail rəhbərliyi Rusiya ilə münasibətlərini dəyişməlidir.
"İsrail çox uzun müddət tutduğu mövqeyə görə Rusiyanı və onun rəhbərliyini bağışlamaqda çətinlik çəkəcək", – Y.Lapid deyib.
Yair Lapid vurğulayıb ki, dövlətlər münasibətləri elə belə kəsmirlər, lakin hansısa təhqir olarsa, onları bağışlamırlar.
Siyasətçi həmçinin qeyd edib ki, İsrail Rusiya ilə strateji münasibət saxlamalıdır, lakin yaxın gələcəkdə isti münasibətlər yolverilməzdir.
Kopyalandı
Seçilmişlər
