Dünya
Pleyeri seçin:
Kadırovun oğlu Quranı yandıran şəxsi döydü: məhkəmədən qərar
Polis “Quran”ı yandırmaqda təqsirli bilinərək həbs edilən Nikita Juravelin Çeçenistan rəhbəri Ramzan Kadırovun 15 yaşlı oğlu tərəfindən döyülməsi ilə bağlı araşdırmanı başa çatdırıb.
Bu barədə “Baza” “Telegram” kanalı yazır. Mənbənin sözlərinə görə, Daxili İşlər Nazirliyi cinayət işi başlatmaqdan imtina edib. Belə bir qərarın Kadırovun oğlunun cinayət məsuliyyəti yaşına çatmaması ilə əlaqədar verildiyi vurğulanır.
“Baza”nın yazdığına görə, Juravelin istintaq təcridxanasında döyülmə işi üzrə istintaq avqustun 18-də Qroznı polisi 1 saylı istintaq təcridxanasında saxlanılan şəxsə bədən xəsarəti yetirilməsi barədə məlumatı qeydə aldıqdan sonra başlayıb.
Qeyd edək ki, məlum insidenti əks etdirən videonu Ramzan Kadırov özü yayıb və oğlu ilə fəxr etdiyini qeyd edib.
Kopyalandı
Seçilmişlər
