Kəşf etmişik, amma insanların xəbəri yoxdur | Xəbərin dərc olunması niyə gecikir?

Astrofiziklər ağıllı yadplanetli həyatın mövcudluğuna dair sübutlar aşkar ediblər.

Bu haqda NASA ilə əməkdaşlıq edən sənədli film rejissoru Saymon Holland məlumat verib.

“Biz qalaktikamızda insana aid olmayan Yerdənkənar zəka kəşf etmişik və insanların bundan xəbəri yoxdur”, – deyə S.Holland bildirib.

Oksforddan olan “Kəşfə yol açan dinləmə” layihəsinin komandası siqnalı təhlil etdiklərini təsdiqləyib, lakin ehtimal olunan mənbəyi hələ ki açıqlamayıblar.

“Onlar təfərrüatı axtarırlar, ona görə də xəbərin dərci gecikir”, – deyə S.Holland layihədəki mənbələrinə istinadən deyib.

Qeyd edək ki, rejissorun istinad etdiyi “Kəşfə yol açan dinləmə”, yəni “Breakthrough Listen” 2016-cı ilin yanvarında israilli sahibkar, investor və sovetəsilli fizik Yuri Milnerin təşəbbüsü ilə 100 milyon dollar dəyərində qeyri-kommersiya tədqiqat layihəsi kimi işə başlayıb. Qəribə radio siqnal ilk dəfə 2019-cu ildə Avstraliyanın Parkes Rəsədxanası tərəfindən müəyyən edilib.

Yerdənkənar sivilizasiya haqqında tezliklə ətraflı araşdırmanın təqdim olunacağı planlaşdırılır.