Kosmosda Yer kürəsinə bənzər planet aşkarlandı

NASA 100 işıq ili uzaqlıqda yerləşən ulduzun ətrafında ekzoplanet aşkar edib.

“TOI 700 e” adlandırılan planetin səthinin qayalıq, həmçinin Yer kürəsi ilə eyni ölçüdə olduğu ehtimal edilir. Bu planet “M” ulduzunun orbitində tapılan 4-cü planetdir. 4-cü planetin kəşfi Amerika Astronomiya Cəmiyyətinin 241-ci iclasında elan edilib.

Qeyd edək ki, NASA-nın həyata keçirdiyi “TESS” missiyası 2018-ci ildən səmanın müşahidəsinə başlayıb. İndiyədək aşkar edilmiş ekzoplanetlərin əhəmiyyəti səthində canlı aləm üçün zəruri sayılan suyun olma ehtimalıdır.