Kurskda neçə mülki şəxs həlak oldu? | Rusiya XİN təcili məlumat yaydı

Kursk bölgəsində 7 həftə əvvəl başlayan əməliyyat zamanı azı 56 mülki şəxs həlak olub. Daha 266 nəfər isə yaralanıb.

Bu barədə Rusiyanın Xarici İşlər Nazirliyi məlumat yayıb.

Ukrayna müharibənin başlamasından 2 il yarım sonra, yəni avqustun 6-da Kursk vilayətinə hücuma başlayıb. Bu hücumla da müharibə Rusiya sərhədlərinə qədər gəlib çatıb.

Məlumata görə, təhlükəsizlik məqsədilə 131 min sakin təxliyə edilib. Lakin bütün bunlara baxmayaraq, Rusiya Ukrayna Ordusunun Suca şəhərində 15-i azyaşlı olmaqla, 70-120 aralığında mülki şəxsi saxladığını iddia edir.

Rəsmi Kiyevdən məsələ ilə bağlı açıqlama gəlməyib.